Vargje ditore

”I çmenduni” – Albin Mehmeti

Të çmendun kanë me m’thanë
Kur t’më nijnë çka jam tuj thanë
Kur t’m’i nijnë fjalët e zemrës tuj thanë
“A keni ni sa e vogël asht rrokullia
Asht veç nji fytyrë
Asgja ma shumë…”

Turmat e lemerituna kanë me thanë
“Menja i paska hup…”
Unë kam me vazhdu me fol
Nashta edhe me britë
“Dielli len kur ajo fytyrë buzëqesh
Dielli e hana janë sytë e saj…”

Të lemeritunit kanë me thanë
“Ah, gjynah, i ri me u tranu…”
Ata folin…
Paj, le të folin
Se ata nji gja s’e dijnë
Se ti je bota jem
Në fytyrën tane dielli jem ka le
Aty asht e tanë bota jem…

Albin Mehmeti /GazetaLetrare.com