Vargje ditore

”Kur digjem mallit iki flej n’Shkodër” – Çun Lajçi

Kur digjem mallit për Shkodrën
M’kokërrisën dhitë e kuqe kodrave t’Vraninës
Nji zgataraç i turret mrizit e kërcet breshana

Nji cjap blegëron Cetinës

Nji kullë digjet n’Vir Pazar të lkeni
Kur m’rrok malli Avdi Hysën me knua
Nji motër del n’çardaqet e Shkodrës

Vllaun me vajtua

Sa herë m’bjen n’mend për Fishtën
Bie n’Hot e mbledhi rrashta për kapuça
Marash Vata i Shkrelit m’pisket

Banje Shqipninë se iu vret buka

O sa herë du m’u përkundë n’djepin e kangës
Iki flejë n’Shkodër
Bik Ndoja m’knon kodrave t’Sheldisë
N’Misir dallandyshe e Mjedës vajton

Pse shpirtin ia hani Shqipnisë

Çun Lajçi /GazetaLetrare.com