Vargje ditore

”Prizren, Qafë Pazari” – Poezi nga Çun Lajçi

I fjetun paske qenë n’zemrën time Prizren
Vetëm qenka dashtë me hipë n’Kala me i hapë krahët
Me i shkundë vitet si thanat si kokërrat me i hudhë n’Marash
Rrethit t’murit me ecë tue i recitua vargjet e Lasgushit
Haxhiut me i thirrë rugovasit tim milic që rrinte të Urë Guri
Hape krahun Shadërvanin po e shalojnë do Çuna mali
Belkize mëndafshi e Haxhere Hajdar Rogovë Hasi
Normalistat po kalojnë Qafës Pazarit
Mësuesat e s’ardhmës
I fjetun paske qenë n’zemrën e re Prizren i vjetër
Bajtë t’paskëm damarit pesëdhetë vjet si ti Lumbardhin
Qenka dasht vetëm m’u ngjitë n’Kala e m’u shkundë
Vitet si kokërrat e thanave me ra n’Marash

Çun Lajçi /GazetaLetrare.com