Vargje ditore

”Qese najloni” – Poezi nga Shkëlzen Halimi

I futi në qese të zezë najloni
një nga një
ëndrrat
kujtimet
portretet e vdekura
varur në murin e dhembjes
protezat
medikamentet e gjumit
pastaj armët
orën e kohës
fjalët e pathëna
pasqyrën bashkë me
pamjet e ngatërruara
dhe fëmijërinë e harruar
në lodrat prej letre
dhe krejt në fund
edhe veten

Ishte një ditë e zakonshme
me një lajm për vetëvrasje
pa bujë

Shkëlzen Halimi/GazetaLetrare.com