Vargje ditore

”Qiejt lexojnë poema” – Azgan Berbati

Në qiejt e epërm, të paarrirë
Të çova dikur si dritë,
Rob’ prej hëne s’kishin parë
Asnjëherë perënditë.

Dhe syrin tënd kur bëhej natë
Qiell e shpallnin gjithë yjet,
Oh, sy-qielli im i zjarrtë
Ma zhvesh shpirtin, si vjeshta pyjet.

Shi kur bie ndonjëherë
E kur qielli është i zi,
Dritë më bëhesh përmbi re
Temë më mbetesh në poezi.

Azgan Berbati /GazetaLetrare.com