Vargje ditore

”Vashës sime” – Egzon Krasniqi

Vashë e amël që i ngjan dynjasë
Po shumë dritë m’bane n’shpirt
Për të vdekun m’dinte nana
Tash poet po m’njeh dynjaja

Vashë e amël diell mbi re
Shi s’ju desh barit t’thatë
Vec i copë dashni t’bekume
Vera gjelbrume asht tue zgat’

T’kisha vdek pa t’njohun ty
Për dynja s’kisha ba za
N’hak me veten unë kam hy
Zot mos m’vet për asgja

E sot n’vdeksha mos t’kjan insan
N’këtë dynja kam lan ca vargje
N’ahiret Zotit kam me i kerkue
Me m’ba bashkë me shpirtin tand

Vashë e amël
N’shpirt u mishnuem
Nji dashni n’dynja asht shkrue
Unë e ti gjurmë kemi me lan

Egzon Krasniqi /GazetaLetrare.com